影片
更多
2016-12-12
3273 瀏覽
正式踏入12月 一年之末 但亦都係香港人最鐘意既月份之一無他既 皆因處處歡樂迎聖誕緊接又會到除夕誇年2017 數數手指 都有好多年係工作渡過 12月既特別又有回憶燈飾滿佈利東街 囍帖雖不再但華燈仍然閃爍不斷當日抗議聲不斷 直到今天 其實囍帖街可能變得更美更浪漫繁華鬧巿人醉夜 相約友人 到逹目的地 YOKU MOKU應該不陌生了吧日本相當有名的甜品菓子店 香港都陸續有更多小櫃檯今次黎都係因為期待日式西餐廳可以比到啲咩既驚喜我呢?! 出色的內部裝修 格調高尚但又失溫暖感覺 不會令人有拘束感 以人為本 一直都係日本人既大方向 從大體到細節都一一計劃過簡潔 清楚 沒有多餘的MENU是日不宜酒精 但餐廳都提供到多款茶類 配合不同需要 很細心而我揀呢個係香茅茶 可以寧神放鬆 飲落去會好舒暢 幾岩我而且玻璃壼同杯 更覺優雅大體頭盤===================北海道帶子薄片配三色魚籽及青檸輕泡沫貴為帶子中最高級別既北海道帶子 雪白結實 品種屬於大粒厚切平放 做出圖案之如又不失體面 加上雙色三文魚籽 感覺更具層次 細問之下 原來深色魚籽係由廚師以分子方式用日式醬油做成 調味?! 可以有好多方法
無他既 皆因處處歡樂迎聖誕緊接又會到除夕誇年2017
數數手指 都有好多年係工作渡過 12月既特別又有回憶
燈飾滿佈利東街 囍帖雖不再但華燈仍然閃爍不斷
當日抗議聲不斷 直到今天 其實囍帖街可能變得更美更浪漫
繁華鬧巿人醉夜
相約友人 到逹目的地 YOKU MOKU應該不陌生了吧日本相當有名的甜品菓子店 香港都陸續有更多小櫃檯
今次黎都係因為期待日式西餐廳可以比到啲咩既驚喜我呢?!
出色的內部裝修 格調高尚但又失溫暖感覺 不會令人有拘束感 以人為本 一直都係日本人既大方向 從大體到細節都一一計劃過
簡潔 清楚 沒有多餘的MENU
是日不宜酒精 但餐廳都提供到多款茶類 配合不同需要 很細心而我揀呢個係香茅茶 可以寧神放鬆 飲落去會好舒暢 幾岩我
而且玻璃壼同杯 更覺優雅大體
頭盤
===================
北海道帶子薄片配三色魚籽及青檸輕泡沫
貴為帶子中最高級別既北海道帶子 雪白結實 品種屬於大粒厚切平放 做出圖案之如又不失體面
加上雙色三文魚籽 感覺更具層次 細問之下
原來深色魚籽係由廚師以分子方式用日式醬油做成
調味?! 可以有好多方法
而口感同真三文魚籽不無兩樣 彈牙鮮甜 配合埋清新芳香的青檸輕泡沬
令到帶子仍然是主角 唔會比重味搶分 配合得恰到好處
香煎法國鵝肝及鵝肝慕絲作為開場先鋒既頭盤菜 用上開胃吸引既法國鵝肝
喜歡不喜歡都比鵝肝香煎後既味道誘惑
帶上光環既鵝肝 加埋心思擺放 更顯吸引同高貴
鵝肝分左兩個部份 第一個係家制既鵝肝慕絲
味道濃郁有口感 厚度好高 我會認為佢係FULL BODY 味鮮不嗆
即使我平時唔會點食 都容易入口同接受
另一部份當然係主角煎鵝肝 色澤金黃 煎至上色 香味四散
厚切做成既吸引力更加豐腴 咬落齒夾留香 充滿整個口腔
若果感覺油脂重 可以一口鮮桃 清一清口腔 油脂感一掃空
整個配搭都好心思 有精心安排過
龍蝦濃湯以傳統既方式去煮一個龍蝦濃湯
雖要先將龍蝦起肉留縠 再將殼加工炒香 可能需要二至三小時
利用返全部材料 唔會浪費而且蝦鮮味極出
龍蝦肉質相當彈牙爽口 味覺視覺既一大享受 加上忌廉更加滑溜
高濃度既龍蝦湯 雖然去預備既時間同材料都好講究有時整一個湯既時間可能比你整一個主菜更複雜
用上SILVER SERVICE配上分子式既安排
造就左一個吸睛又好飲既龍蝦湯
主菜
===================
香煎牙魚柳配美國蘆筍杏仁輕泡沫以牙魚掛帥既一道主菜 雪白細滑
很難想得到 牙魚是一種外型大條又惡形惡相既魚類
肉質上感覺比鱈魚實淨有咬口 有回彈感 而且油脂分佈平均
口裏面會充滿魚油香味 而且滑溜溜既肉質 令人想食更多
配合埋鮮露荀既爽口同以泡沫既方式加持既杏仁汁
感覺係清新又不會覺得好HEAVY 健康感覺UP!!!!!!!
日本和牛（A4) 配芹菜蓉及自家製炸薯A4級日本和牛當然成為枱上焦點 嫩紅色的肉質 脂肪比例平均
輕輕煎熟外層 令食客食到最貼地最真實的和牛質感 好既食材先做得到
不過令我驚喜既係牛面頰肉 (我叫佢做面豬登肉) 極之軟林林
食落口有重驚為天人既感覺 高骨膠原之如又極度入味
細問之下先知道要慢煮既方式足足煮14個鐘頭先可以得出呢個咁好既味同口感
加上牛味極度突出 一試難忘!
慢煮釀火雞配金巴利汁 唔知你有無食火雞?! 若果有 你一定會話其實有鞋有實有咩咁好食? 仲要雞過雞咁多
其實我食過我都有呢個感覺 不過今晚之後我有啲改觀
因為呢個火雞有啲反傳統 火雞肉厚身夠實淨 咬落有種豐厚感
而且係嫩滑不鞋口 原因好簡單 因為用上慢煮既方式先將火雞用加味煮好
再少煎封住肉汁 做成呢個好新熲又一反常規既滑滑火雞
聖誕又點少得佢呢?! 加上CRANBERRY SAUCE令到味蕾更加受刺激
入口鬆化 為12月帶來一點不同!!
甜品
===================
南青山蛋糕·原味MINAMI ROLL
食過YOKU MOKU既都一定知道 日本其中一款最暢銷產品就係佢
點叫會以南青山為名?! 因為青山店5年NO.1 推介名物囉
甲於佢特制既忌廉好濃滑 質感細綿而軟滑
用上北海道牛奶 天然而且奶味香濃蛋糕本身質感細綿又軟熟
配合埋之後好似令到你個口腔得到擁抱一樣
焦糖燉蛋CREME BRULEE傳統法國出名甜品 世界各地都爭相彷效
蛋味香濃 口感細滑 忌廉多少恰好 唔會搶左雞蛋既風頭之餘
又可以令到質感更好既效果 加埋雲呢拿籽既香味 一小口已經令人好滿足
面層焦糖即時制作 黎到枱上仲熱架 香脆細滑 層次突出
加上彷生鐵煲既甜品碗 更顥精心安排 不失大體
Fiber Mix 12月既胃食指數一定好高
不如飲返杯健康餐後飲品啦
青BB咁 又叫FIBER一睇就知好健康喇
用左青蘋果 青瓜 青椒 西芹同埋奇異果
維他命A-Z都可能齊晒之如 又有好重既FIBER 腸道都健康啲啦!!!!!
而妅入口容易 仲重清新既作用 為一餐作一個好好既完結
由舖外到舖內以至環境服務等等 我對呢餐都真係好正面既感覺
１２月聖誕月 浪漫又幸福既月份 對自己好啲吧！！
張貼
