HIKARI

呢間日系Cafe環境清新明淨，門口有玻璃透光，日頭喺度發呆嘆杯咖啡都幾好～ 最特別係有層閣樓，上面有Tatami位坐，幾啱打卡！又可以自成一角～晚餐嘅主食選擇唔算好多，揀咗比較特別嘅嚟試吓，覺得味道唔錯，特別係意大利飯，性價比OK！咖啡選擇好多，拉花靚，值得試吓！🔸日式燒汁鰻魚豆乳意大利飯 $138原條鰻魚幾軟棉，燒汁唔會過甜～ 第一次見豆乳配意大利飯，估唔到幾match，無忌廉汁咁易膩，飯粒軟硬度適中，吸滿豆乳汁好香濃，又有蔬菜粒同蘑菇增加口感！幾好食，值得試試😋🔸慢煮鹿兒島豚肉眼香草蕃茄汁馬鈴薯團子粉 $148有兩塊厚切豚肉，口感扎實啖啖肉，唔算乾但稍為唔夠juicy～ 團子粉口感軟糯，配蕃茄汁幾清新！🔸明太子薯條 $58份量多，薯條香脆，配明太子醬食，正！多啲醬更好🤣🔸君度橙酒朱古力咖啡 +$34叫主食，飲品可減$20～ 個拉花好靚！配咗一片橙乾，朱古力咖啡香濃，有少少酒味，幾好飲！