E FOR EGG

營業中

休息中

星期六同老公到西營盤E FOR EGG食晚餐。金沙軟殼蟹三文魚籽海鮮沙律盒子吐司賣相好澎湃，有好脆嘅軟殼蟹，仲有三文魚子，厚吐司入面夾住好多嫩滑既炒滑蛋，吐司亦都好香脆，另外仲有炸年糕同沙律。鹽味三文魚茶漬丼茶漬飯唔會過鹹，調味清清地，同三文魚好夾，好味。日式牛肉湯烏冬肥牛份量好多，烏冬係彈牙既日本烏冬，正。雞翼拼盤有餃子雞翼同芝麻雞翼，餃子雞翼釀左平時餃子既豬肉餡，估唔到好夾，芝麻雞翼好脆口又juicy，都好食。黑松露番薯條黑松露好多好香，蘸黎食最好。栗子蒙布朗窩夫賣相精緻，外圍滿佈栗子蓉，入面有忌廉、栗子、雪米糍、窩夫，有雪米糍真係好驚喜。天使奶油蛋糕卷甜度適中，蛋糕卷軟熟，食到椰絲，幾好食。飲品叫左竹炭黑芝麻鮮奶、香濃朱古力同西西里檸檬岩鹽氣泡水。