夢見屋 (已結業)

這日中午，約左表妹一家三口飯聚。表妹為左就兒子的午睡時間，提出11點，一齊吃個超早的午餐。原本打算去佢娘家附近的一間日本餐廳，點知佢冇做資料搜集，餐廳開12點，只好臨時改去遠d的「夢見屋」。明太子蜆肉意粉，意粉食起嚟口感十足，咬口和嚼勁都十分好，再加埋蜆肉的鮮味，同埋明太子的香辣，啱晒重口味的我哋。照燒雞薄薄，係薄脆餅底，咬落去脆卜卜，如吃薯片般，大人小朋友都中意!照燒雞沙律醬紫菜餡，鹹鮮惹味。豬扒烏冬，豬扒一般般，未夠入味同香口。烏冬，係姨甥仔最愛，咕嚕咕嚕地食個不停。三文魚茶漬飯，清清淡淡，又有茶的香氣，最啱炎炎夏日食。