神戶屋日韓放題

營業中

休息中

星期日約朋友去神戶屋食放題，諗住少少去可以做第一個客人，豈料已經兩三枱客人坐定定食野，真係好旺場。餐廳環境都唔錯，店員有禮貌，上菜速度都幾快。食物款式多樣化，驚喜位有首輪刺身點餐紙優先，經網上book位仲可以order生蠔/海膽一份，計番真係好抵食。呢度刺身多款又新鮮，件件厚身，又夠鮮味，尤其三文魚同北寄貝，三文魚食正魚腩位，魚油脂香，北寄貝又夠爽口，象蛂蚌亦都好爽口彈牙。 訂座而叫左海膽，出奇地新鮮又唔腥。另外仲叫左芥辣八爪魚軍艦&拖羅蓉軍艦，芥辣好攻鼻，好鬼正斗。食完凍食，就食番點熱食暖暖肚，叫左份焗雜菇仲有韓式炒粉絲，帶有少少辣味都唔錯。再食埋個和牛壽喜燒，雖然係一人鍋，但內有好多肥牛及野菜，熱辣辣夠暖胃。