風花雪月 (已結業)

同男朋友週年紀念日之午餐好特別既一間餐廳，每一層都有各自既特色，今日係一個特別既日子，我地就食豪少少去左三樓食刺身嘩！呢度可以望住師傅製作，又可以二人世界睇街景，一班人又可以包一間房，好高私隱度！我就叫左一份刺身SET，估唔到有咁多樣嘢食！前菜都有兩樣，其中一樣係配日式既醬汁茄子，茄子質感比較實，淡淡既甜味，面層仲有一啲五味粉，味道更豐富。另一樣係薯蓉，特別嘅地方係薯泥混合左薯仔粒，每一啖都有薯仔嘅香味，仲有兩種唔同嘅口感，味道比較清淡。蘿蔔乾味道咸咸地，非常爽口、開胃！味噌湯係日本既傳統食品，加左豆腐、蔥花、昆布等食材，味道較濃較咸，好滋味係時候到主角啦！有七種唔同既刺身：帶子、三文魚腩、吞拿魚腩、牡丹蝦、油甘魚等等...個人來講唔係好鍾意食油甘魚，因為之前食個覺得好「鞋」同埋味道就只係好次食生魚片咁，但今次令我好驚喜！淡淡紅色魚肉有淡淡甘甜，仲有獨特嘅清爽口感。牡丹蝦特大極厚肉，而且味道鮮甜，入口之後蝦肉的鮮甜馬上在舌頭上溶化。另外，三文魚腩同吞拿魚腩刺身都令我非常驚嘆！魚腩係魚身上最嫩、油脂最豐富嘅地方，放入口非常甘香、溶化，食完口腔仲有淡淡既油香另外叫左份韓國西冷和牛，熟度岩岩