影片
更多
2023-01-18
1937 瀏覽
📍鰂魚涌, TMK Funk & Rolls被朋友吐槽太耐無見之後，的起心肝同佢去左靚靚餐廳共度悠閒嘅週末quality time😉同我一向想像嘅 brunch 唔同，呢間餐廳嘅 brunch 好明顯就唔係走嗰啲 all day breakfast 路線，而係 n 道菜食到我差啲以為係放題嘅路線 🤣但 n 道菜還 n 道菜，成件事絕對唔係重量唔重質，而係每一道菜都好有誠意，驚喜十足🎉咁多道菜入面，我最鍾意嘅就係吞拿魚熱狗🌭️ 基本上就係辣吞拿魚飯卷成個攞去炸做天婦羅🍤絕對係符合到美國人鍾意嘅辣吞拿魚沙律醬壽司口味得嚟不失日本菜特色嘅傑作。當然最重要嘅係佢絕對唔係雷聲大雨點小，而係完美平衡左唔同嘅味道同口感喺同一件食物裏面 - 真係好神奇 😚餐廳環境方面，基本上係 pirata group 都好難失手 - 成間餐廳好rock & roll，周圍擺滿黑膠唱片，播嘅音樂幾特別，會令人食食吓飯都想叫杯雞尾酒嚟飲吓，跟住個律動嚟返 part 舞(ok 誇張左) 💃🏻 總之就係令我覺得朝早11點半忽然之間好似變左夜晚11點半咁🌃 強烈推介星期五夜晚嚟食吓嘢，應該會幾放鬆，可以真正 happy fri
被朋友吐槽太耐無見之後，的起心肝同佢去左靚靚餐廳共度悠閒嘅週末quality time😉
同我一向想像嘅 brunch 唔同，呢間餐廳嘅 brunch 好明顯就唔係走嗰啲 all day breakfast 路線，而係 n 道菜食到我差啲以為係放題嘅路線 🤣
但 n 道菜還 n 道菜，成件事絕對唔係重量唔重質，而係每一道菜都好有誠意，驚喜十足🎉
咁多道菜入面，我最鍾意嘅就係吞拿魚熱狗🌭️ 基本上就係辣吞拿魚飯卷成個攞去炸做天婦羅🍤絕對係符合到美國人鍾意嘅辣吞拿魚沙律醬壽司口味得嚟不失日本菜特色嘅傑作。當然最重要嘅係佢絕對唔係雷聲大雨點小，而係完美平衡左唔同嘅味道同口感喺同一件食物裏面 - 真係好神奇 😚
餐廳環境方面，基本上係 pirata group 都好難失手 - 成間餐廳好rock & roll，周圍擺滿黑膠唱片，播嘅音樂幾特別，會令人食食吓飯都想叫杯雞尾酒嚟飲吓，跟住個律動嚟返 part 舞(ok 誇張左) 💃🏻 總之就係令我覺得朝早11點半忽然之間好似變左夜晚11點半咁🌃 強烈推介星期五夜晚嚟食吓嘢，應該會幾放鬆，可以真正 happy friday 🤘🏻
p.s. 侍應姐姐好友善，如果唔係繁忙時段絕對可以吹吹水，了解多啲每道菜背後嘅故事 📖 (佢叫 venus)
#日頭係夜晚嘅美日料理店 #tmkfunknrolls #pirata #happyfriday之選 #tunahotdog #鰂魚涌 #quarrybay #øhhejfoodie
張貼
