黑木亭居酒屋 (金馬倫道)

今晚上呢間日式食店位於尖沙咀，比較近尖東多少少，如果從尖沙站要行十分鐘左右，食店不在地舖，要行上樓上，沿樓梯的牆身都有日式佈置，好似日本街頭、日本紅葉等等。現場話大唔大，我們被安排比較入的位置，但唔係好夠冷氣仲有點焗，不過都冇乜位置可揀所以冇辦法。食物價錢是中高水位，一般串燒、壽司、刺身、煱物等等都有。我們兩個人叫啲普通簡單啲都成幾百元落樓。粟米串燒：幾香幾爽口，唔錯。深海活池魚刺身：刺身太薄有時食唔到魚本身的特質，只有點醬油先有呢份層次。2杯飲品都啱打卡，顏色賣相都ok。豚肉年糕肉串：入面Q彈，有口感。和牛岩鹽燒，油脂比例恰到好處，食落柔滑帶啃勁，本身和牛已處理過有一定程度熟，再在燒熱的岩石上燒多幾下，又再香口。