潮發粥麵茶餐廳

營業中

休息中

牛筋雲吞麵走蔥，本想叫牛膀，但原來無牛雜賣，只有牛肚。柱侯牛筋爽口彈彈的，柱侯醬既味道已深深刻係牛筋之中，每一口都散發濃郁而清香味道，堅好味！雖然我較愛棉滑黏口牛筋。雲吞勁大粒，餡料滿到爆開，我緊緊一啖啪到入口乍。大路蝦爽無過咸無特別，中規中矩。辣椒油唔錯，接近中辣程度又夠晒香。飲頭啖湯時腩汁清香無比，非常可口。非爽口麵條夾住靚湯衝入口，美味美味！食完晒所有食物後再飲啖湯，湯變得強烈鹼水味而黏口，放棄。突然發現所有食客只得我一個香港人，其他都係大陸自由行。隔離枱外值男女在埋怨價錢勁貴，我碗雙併都 $45，真係物價騰貴，最衰都係天價鋪租，小市民都要捱貴野啦！放工急趕去尖沙咀剪頭髮再落旺角打拳，誰知落狗屎又氣溫突降凍冰冰，即時咩心情都無晒！唔打拳喇，直接剪完頭髮返大埔飲酒啦！凍冰冰即刻想食碗熱騰騰既湯麵，巧合地行錯路經 sogo 上到地面見到麵店有位就衝入去啦。潮發？個名似層相識，上網一查，原來以前係漢口道我最愛既牛筋腩，好好味架呢！即時勾起好多畫面、回憶、舊朋友。