津津茶餐廳

營業中

休息中

成日社交平台都見到唔少人推介呢間茶餐廳自己就成日都經過呢間餐廳但係都冇特別話想試餐廳嘅位置唔算起眼行過都好容易遺忘咗佢最近見好多人都推介就一於同同事一齊試吓本身都冇話太大期望因為都諗住係碟頭飯我哋分別嗌咗個乾炒牛河同埋胗肝雞飯另外仲跟咗餐湯乾炒牛河就比較一般味道同鑊氣都唔係好夠如果雞飯就非常之值得一讚一食就知道點解佢可以做足咁多年有咁好嘅口碑絕對係唔係間間餐廳都做到嘅味道由米飯已經食到餐廳嘅心機通常出面茶餐廳嘅米飯都係比較乾身同埋偏硬但係呢度嘅米飯係少有好食嘅質素雞腎同埋雞潤 都有鹽焗嘅味道鹹淡適中隻雞都相當嫩滑 係一個非常高質嘅碟頭飯另外餐廳嘅餐湯都非常有誠意係我好鍾意嘅菜乾湯仲要係非常足料呢類嘅懷舊老店越來越少嚟呢度除咗欣賞下佢嘅食物之外都要好好感受吓呢度僅餘嘅風景相信喺香港只會越來越少見