影片
更多
2024-07-14
383 瀏覽
自助晚餐由6點食到9點。當晚被安排坐喺窗邊，可以望到青馬大橋（慢慢睇到大橋開有燈係加分位），但唔知點解日落之後窗邊啲燈光變咗藍色（影響到食物好唔吸引，食到好唔舒服）。現場冷氣唔夠，好熱。全晚大概兩成坐滿，除左6點正嗰輪，之後拎食物都好少遇到其他客人。食物質素方面，可以食得飽囉。冷盤有波士頓龍蝦、翡翠螺、小龍蝦、青口、凍蝦，正正常常啦。沙律方面都正常嘅，有火腿、莎樂美腸。刺生方面有五款（三文魚、吞拿魚、希靈魚、八爪魚、鯛魚），其中有三款來自中國，質素同爭X差唔多，屬於中下質素，拎完第一次冇下次。熱葷區最好食應該係炒雜菜，同埋泰式肉碎青口啲肉碎。台灣腸仔就一般正常。炸魚柳個炸皮超級厚，塊魚柳超級薄。炒金邊粉好硬，而且得金邊粉、芽菜同好少量豆腐。泰式船麵唔知點解係用刀削麵，個湯底都幾重味精，豬肉丸口感奇怪到唔識形容。特別在於餐廳有燒烤區，有少量海鮮（帶子、魚、蝦）、沙嗲串燒（豬牛雞）、羊架、豬頸肉、豬鞍（算係全場最驚喜嘅食物）、牛扒、牛仔骨。啲牛好韌，但雞同豬就OK嘅。個沙嗲汁都OK。雪糕有Movepick（三種口味 - 雲呢拿、士多啤梨、朱古力）。甜品個即整班戟整到好厚好甜。個榴槤布甸同葡
當晚被安排坐喺窗邊，可以望到青馬大橋（慢慢睇到大橋開有燈係加分位），但唔知點解日落之後窗邊啲燈光變咗藍色（影響到食物好唔吸引，食到好唔舒服）。
現場冷氣唔夠，好熱。全晚大概兩成坐滿，除左6點正嗰輪，之後拎食物都好少遇到其他客人。
食物質素方面，可以食得飽囉。
冷盤有波士頓龍蝦、翡翠螺、小龍蝦、青口、凍蝦，正正常常啦。沙律方面都正常嘅，有火腿、莎樂美腸。刺生方面有五款（三文魚、吞拿魚、希靈魚、八爪魚、鯛魚），其中有三款來自中國，質素同爭X差唔多，屬於中下質素，拎完第一次冇下次。
熱葷區最好食應該係炒雜菜，同埋泰式肉碎青口啲肉碎。台灣腸仔就一般正常。炸魚柳個炸皮超級厚，塊魚柳超級薄。炒金邊粉好硬，而且得金邊粉、芽菜同好少量豆腐。泰式船麵唔知點解係用刀削麵，個湯底都幾重味精，豬肉丸口感奇怪到唔識形容。
8 瀏覽
0 讚好
0 留言
0 瀏覽
0 讚好
0 留言
特別在於餐廳有燒烤區，有少量海鮮（帶子、魚、蝦）、沙嗲串燒（豬牛雞）、羊架、豬頸肉、豬鞍（算係全場最驚喜嘅食物）、牛扒、牛仔骨。啲牛好韌，但雞同豬就OK嘅。個沙嗲汁都OK。
雪糕有Movepick（三種口味 - 雲呢拿、士多啤梨、朱古力）。甜品個即整班戟整到好厚好甜。個榴槤布甸同葡撻還好嘅。啲蛋糕都正常啦。
11 瀏覽
0 讚好
0 留言
飲品方面個凍飲杯勁細，水都要自己斟。
待應服務態度都OK嘅，收嘢都快嘅。
總括嚟講，風景應該佔咗價錢嘅三分之二。如果唔係Kxxxk優惠，應該唔會黎。
張貼
