鮨白鳥 (已結業)

今日難得約左個妹食lunch行街, 於是決定食番餐好嘅, 之前聽朋友介紹過E間日本餐廳, 所以就去試下! 餐廳環境乾淨企理, 卡位有門簾微微遮住, 有少少私人空間!🌟茶碗蒸雞蛋好滑溜, 入面仲有粒粒帶子肉, 味道鮮甜🌟什錦刺身沙律🐟🥗刺身有唔同款式, 味道清新, 酸酸地幾開胃🌟牡丹蝦丼🦐🍚丼飯有好多牡丹蝦, 隻隻都超新鮮, 大大隻, 味道鮮甜口感黏黏地好爽彈! 師父仲將牡丹蝦膏取出再拎去燒, 之後上面放左一隻鵪鶉蛋, 配埋海苔同飯一齊食, 非常鮮味!🌟味噌海帶湯🥣海帶味噌湯味道剛好唔咸, 配搭少許蔥粒令味道更有層次🌟甜品是日甜品係日式蕨餅配黃豆粉, 蕨餅口感軟糯富濃郁黑糖味!