牛奶冰室 (新城市廣場三期)

營業中

休息中

平時好少寫食評一向幫趁開呢個集團，覺得佢既食物質素ok，價錢合理。不過佢所有分店既茶餐都有一個好大既問題，就係熱奶茶極熱，仲要唔知點解，佢哋一向用不鏽鋼保溫杯裝所有既熱飲，莫講話係廿分鐘食完既早餐，就算係晚餐，有時食完哂啲嘢食，杯熱飲仲係熱到飲唔到。有次趕住走又唔想嘥嘢，同店員要幾粒冰降溫，但係又俾人白眼。沙田乾淨企理既茶餐廳不多，好想支持吓，可惜呢間嘢又係咁。仲要嗰陣幫趁已經唔多人，但係上餐速度極慢。所以好希望管理層可以睇到呢篇文章，奶茶唔好熱到滾水咁，個不鏽鋼保溫杯，最好就換咗佢。