譚仔三哥米線 (已結業)

前排又去呢度食特辣米線，又係雞肉、牛肉特辣全走。飲品當然係凍奶茶啦，但我太大意啦，十二點九先來到。結果我坐得好迫，食得唔係咁自在。食物方面，都無乜野彈既。最留得住我既係辣到噴火既米線，雖然真係幾辣，但又唔算太熱氣。而且辣既感覺經凍奶茶解救後，就好快無左啦。米線既材料都俾得幾足，唔會因為加價而減少左份量。凍奶茶都係咁好飲，不過下次都係要小冰，因為我飲完杯奶茶仲剩好多冰。實有下次既，不過下次都係早點來。坐又坐得舒服，食又可以自在得多。