影片
更多
2017-03-26
498 瀏覽
好耐冇入馬鞍山, 所以都唔知呢個商場開咗咁多食肆, 雖然多咗選擇, 但一樣要係六點前食先安全, 一過六點就好快滿座, 有D甚至未夠六點已經排隊等位, 咁當然我地選擇咁早食, 就係唔想等位, 行哂咁多間, 最後選擇咗呢間, 因為見佢裝修都幾新淨,又夠光猛, 最重要係仲有卡位~ 入到坐低, 枱又唔即刻執, 等咗一陣再追佢先執, 入面都唔係多人, 伙計都有4-5個, 足夠應付有餘, 而且係佢地帶我地入去坐, 而唔係我地自己靜雞雞入去咗, 咁都唔招呼? 睇佢餐牌, 種類唔多, 但每種都有幾個選擇, 加埋可以算係多掛? (對於我地未食過的人嚟講), 所以都叫咗一個麵一個飯, 再加佢招牌餃子~唔知係佢廚房唔夠人定慢工出細貨, 等咗都起碼五分鐘, 先嚟個餃子, 之後果D都隔咗好一陣子先上, 我地冇所謂呀~ 2個人坐張4人位, 又冇人搭枱, 又唔趕時間, 咪等佢慢慢上~ 滑蛋吉列豚扒手鍋 其實即係普通鍋, 不過佢個鍋有手柄咁解, 都係成set咁上, 我地由得佢滾起, 然後先落蛋, 再由佢煮, 因為我地唔食生蛋/半生熟的蛋, 所以都係煮到佢變老蛋同收乾d水先食, 估唔到佢個火又煮到剛剛好就完咗
入到坐低, 枱又唔即刻執, 等咗一陣再追佢先執, 入面都唔係多人, 伙計都有4-5個, 足夠應付有餘, 而且係佢地帶我地入去坐, 而唔係我地自己靜雞雞入去咗, 咁都唔招呼?
睇佢餐牌, 種類唔多, 但每種都有幾個選擇, 加埋可以算係多掛? (對於我地未食過的人嚟講), 所以都叫咗一個麵一個飯, 再加佢招牌餃子~
唔知係佢廚房唔夠人定慢工出細貨, 等咗都起碼五分鐘, 先嚟個餃子, 之後果D都隔咗好一陣子先上, 我地冇所謂呀~ 2個人坐張4人位, 又冇人搭枱, 又唔趕時間, 咪等佢慢慢上~
滑蛋吉列豚扒手鍋
滑蛋吉列豚扒手鍋
11 瀏覽
0 讚好
0 留言
滑蛋吉列豚扒手鍋
12 瀏覽
0 讚好
0 留言
雖然係叫吉列豬扒, 但始終有汁煮住, 所以d吉列皮都淋哂, 係就係冇咁好口感, 但冇咁熱氣囉~ 味道都唔差, 而且塊豬扒都幾有口厚, 厚得嚟又唔會好un, 易咬得嚟又有質感, 同埋都好juice~
個飯係珍珠米, 夠哂飽肚, 兩個人share食就最好, 唔會太飽, 不過就冇幸試佢個麵豉湯, 只係打開聞過幾香, 又有d豆腐粒, 因為個侍應太快手收咗, 我又食緊嘢, 即刻吞完叫住佢都聽唔到, 我地目送佢走..........
芝士餃子
芝士餃子
14 瀏覽
0 讚好
0 留言
芝士唔夠濃味, 入口好粘牙, 個餃子唔夠飽滿, 不夠個皮夠薄, 餡料雖然有我唔鍾意食的韭菜, 但佢好細粒好爛, 所以我都接受到~
和風炸雞醬油拉麵
和風炸雞醬油拉麵
10 瀏覽
0 讚好
0 留言
不過個麵唔差, 幾彈牙, 連對麵好執着的老公都話好食, 咁就證明係唔差啦~
個湯底話係醬油, 但都要用豬骨去餚, 個menu仲寫明用上等豬筒骨, 日日新鮮餚製, 雖然我唔覺好濃豬骨味, 而且個色都係似醬油啡色多過豬骨的奶白色, 起碼飲完唔會口乾口渴~
飯前見到做會員只需食滿一百蚊, 我地諗住唔好味就食完算, 好味就做會員, 雖然唔係成日嚟食, 最終當然做咗會員啦~ 就算唔嚟呢間食, 都有其他分店嘛~
如果想改善流量, 就應該改善呢度的服務, 執枱唔夠快, 對於食完唔走果d, 仲不停幫佢斟水, 搞到門口大排長龍囉~ 呢d一定唔會發生响茶餐廳身上~
張貼
