叄瘋 (已結業)

襯住假期同屋企人一早出發前往香港仔漁市場買海鮮🦞，買完就緊係要醫下肚仔，搭咗街渡前往前面岸嘅鴨脷洲去試下有蛋餅食嘅Cafe 叄瘋！🌟咸牛肉芝士蛋餅 Corned Beef and Cheese Egg Crepe蛋餅煎得厚薄適中，口感Q彈，👧🏻就幾鍾意呢種口感！蛋餅走嘅係爆餡風，極度岩心水❤️。咸牛肉爆得好香，配上半溶嘅咸香芝士🧀，海量嘅蔥花(蔥白+蔥段都齊曬，不過👧🏻就唔鍾意食蔥白，要自己挑起就有啲麻煩🤣)，沾上少量醬油膏，非常可口😋。🌟煙三文魚太陽蛋瑞士薯餅 Smoked Salmon and Sunny Side-Up Rosti 平時麥記薯餅食得多，瑞士薯餅就真係第一次食！薯仔🥔切絲後煎得極金黃香脆，清爽冇咩澱粉質感覺。配上太陽蛋🍳、煙三文魚、沙律菜🥗，絕對係個醒神早餐！🌟Flat White/ Mocha兩杯咖啡都係高水準之作。Mocha都重朱古力味唔甜，一朝早夠曬醒神！