元気寿司 (秀茂坪商場)

營業中

休息中

唔係第一次食壽司高速列車送餐，今日好想食壽司，所以十二點鬆少少就去左食。好彩唔洗等好耐，好快入左位。依度變左用pad入單，唔再係人手order，介面都做得幾好既，向左掃就會睇到哂有咩食。都方便大人細路用既。 冇黎食一排，多左好多新款壽司。依個都係元氣大賣點黎，唔會冇新野試，而Classic既又會保留係度。 經典之選：油甘魚、炙燒左口魚 新款淺嘗：甜蝦卷、蟹膏軍艦、吞拿魚蓉卷甜蝦細細粒，清甜度低但夠爽。蟹膏係蟹膏醬，有味但唔夠濃。吞拿魚蓉加上醃黃瓜，配搭得宜有驚喜。 熱食推介：牛油蜆湯烏冬如果同老人家黎食就冇得頂。 值得一提係點餐只可以點８樣item一次，如果多人一齊去食就唔太方便。而且係一字排坐開，想傾下偈都唔容易。雖然送餐模式有趣，但少左係迴轉壽司可以睇到食物果種興奮。冇左卡位，坐既位都冇咁舒服。 總括黎講，高速列車幾新鮮，但相信過左熱潮就會無人問津。但我都建議同小朋友或者兩三個人去食既。咁就唔會出現以上既不便。我同叮叮都食都好開心，因為比起上一次既高速列車，依個始終質素好D。我地可以較岩時間食完就去打比賽。