富臨皇宮 (已結業)

星期六，家庭樂，孝順仔女一早陪長老飲早茶。一台十人，熱熱鬧鬧。鳳爪姪女至愛。打孖上，叫左兩籠。姪女獨享一籠。一籠鳳爪就可以令小孩乖乖自己食，好抵。大大隻鳳爪蒸到好稔，入口即化，味精濃郁。姪女果然識食。酥皮叉燒包酥皮唔酥脆，叉燒餡過甜，食落有啲油膩感，食一個已經有啲漏。叉燒包老人家最愛還是傳統叉燒包。其實個餡同酥皮嘅一樣。酥皮蘿蔔外面酥軟，內裏蘿蔔絲好稔無渣，值得一試。蛋散，唔夠新鮮，有少少油溢味，唔鬆化。點左蜜糖，會好食啲。