都匯漁港

營業中

休息中

明德商場嘅酒樓轉咗手，呢個位的確係比較入，多做街坊生意。以前啲聽長輩話酒樓要開一個月先好去，但係我等唔切，開咗大概十日左右，鐘意飲茶嘅我即刻去嗰度飲早茶。入去見裏面都裝修過下，魚缸由門口位移咗入裏面，座位都係差唔多，我覺得點心都唔錯，飲早茶亦好似無以前咁多人咁難搵位要搭枱。鮮竹牛肉球，ok嘅。流沙奶皇包，流沙嘅效果同個餡嘅味幾好。香煎蘿蔔糕，煎得幾香，唔油。五香鹹水角，香脆煙韌。蟹籽燒賣皇。翡翠鮮蝦腸。鳳爪排骨飯，飯對我嚟講有啲硬。