影片
更多
2015-07-03
2966 瀏覽
所謂早起鳥兒有得吃，久仰端記的大名，但因住港島區，所以一直未有機會品嘗。今次"的"起心肝，朝早六點由荃灣搭車入川龍村搵食！沿路牌指示行五分鐘就到左茶樓，未入內已見到好多雀籠，原來呢度有好多人專登搭車或揸車帶埋愛雀黎飲茶，雀聲為茶樓帶來唔少生氣！行上一層到露台位，由於時間尚早，只有五六枱茶客，大多為熟客仔或雀友，坐埋一邊吹水！坐底後，有位叔叔話俾我知邊度沖茶同攞點心，自己沖茶確係幾特別，沖完後就急不及待攞點心喇！我同男朋友兩人食左九樣野，有豬大腸(外面茶樓而家好少有得賣，呢度真係好入味），牛栢葉(好爽無雪味），鳳爪(唔算太特別，不過都好味），臘腸卷(對比大榮華啲臘腸瘦啲），燒賣(唔算太特別，豬肉為主），馬拉糕(蛋香好濃），咖哩魷魚(唔知點解食到後尾有少少苦），鮮竹卷(好入味，好好食）同埋豆腐花(好滑但因為太熱，食不出滋味）。我知道真係好誇張，四人份量嘅野，我地兩個人食晒，真係好鬼飽呀，可惜係唔知係咪太早到，無蝦餃同鵪鶉蛋燒賣，下次一定要再黎試！
沿路牌指示行五分鐘就到左茶樓，未入內已見到好多雀籠，原來呢度有好多人專登搭車或揸車帶埋愛雀黎飲茶，雀聲為茶樓帶來唔少生氣！
行上一層到露台位，由於時間尚早，只有五六枱茶客，大多為熟客仔或雀友，坐埋一邊吹水！
坐底後，有位叔叔話俾我知邊度沖茶同攞點心，自己沖茶確係幾特別，沖完後就急不及待攞點心喇！我同男朋友兩人食左九樣野，有豬大腸(外面茶樓而家好少有得賣，呢度真係好入味），牛栢葉(好爽無雪味），鳳爪(唔算太特別，不過都好味），臘腸卷(對比大榮華啲臘腸瘦啲），燒賣(唔算太特別，豬肉為主），馬拉糕(蛋香好濃），咖哩魷魚(唔知點解食到後尾有少少苦），鮮竹卷(好入味，好好食）同埋豆腐花(好滑但因為太熱，食不出滋味）。我知道真係好誇張，四人份量嘅野，我地兩個人食晒，真係好鬼飽呀，可惜係唔知係咪太早到，無蝦餃同鵪鶉蛋燒賣，下次一定要再黎試！
張貼
