cookedDeli by city'super (已結業)

今日係尖沙咀返工，所以晏晝淨係近近地去咗citysuper揾食。本身諗住喺foodcourt買黎食，不過經過凍櫃就發現左有幾款wrap，深深俾佢吸引着，作為愛好者，就決定買個食！見佢總共有三款選擇，其實本身想試綠色嗰款，但係因為我唔食三文魚嘅關係，所以最後就揀咗經典早餐墨西哥卷。買完之後，店員會主動問你使唔使加返熱，由於我係即刻食，所以就叫左佢幫我加熱。一份其實都幾大卷，包到密密實實揸住食好方便。入邊有生菜蘑菇蕃茄同炒蛋，仲有加咗沙律醬，所以食落唔會乾爭爭，呢個真心好好食，雖然只係簡單嘅材料，但係配搭得好好！呢個絕對有下次！