永發茶餐廳 (已結業)

約咗人喺大埔見面前，先食個早餐，食咩好啦，都係我最愛嘅港式早餐呀😆。叉燒湯通粉湯底正常 ，冇好重嘅味精味。 叉燒就唔得 ，唔好食又偏瘦，仲好乾。炒蛋白 平時食開黃色嘅炒蛋， 呢間有得揀炒蛋白 ，一於試下啦。外表係幾靚嘅，不過一切開就失望 。因為中間根本未熟😑 ，依然係透明嘅蛋白。 唯有即刻浸落湯裏面，希望整番熟啲啦。而且炒蛋白係冇咩味道嘅 ，可能係畀食客自己加鹽調味吧。牛油多士牛油多士好厚 ，不過看得唔夠香脆， 只係兩塊厚包輕輕烘一下， 這種多士不會好吃的。熱檸茶唔錯呀，正正常常，茶冇煲到好溶，唔會過濃過淡。