翠華餐廳 (黃大仙中心北館) (已結業)

因為工作需要，所以呢朝一早嚟到位於黃大仙中心，見仲有時間就入在翠華餐廳食早餐。餐牌上面嘅選擇唔算好多，不過幾款望落都吸引。揀咗仿鮑魚火腿絲湯通粉，配西煎無公害太陽蛋、香腸及核桃提子麵包，飲熱咖啡，承惠$37。通粉方面，湯底美味，通粉咬落彈牙。火腿絲及仿鮑魚絲嘅份量都好足，唔錯！西煎太陽蛋嘅蛋黃都幾大個，蛋味香濃。配埋腸仔同軟熟嘅核桃提子包，整體都幾有水準。最後當然要嘆返杯香滑嘅招牌忌廉熱咖啡啦！😊