六十年華

營業中

休息中

經過見到新開左間茶餐廳，第一時間試下D早餐先，舖頭名叫六十年華，以為會好有懷舊feel ，但入到黎既環境又唔覺得有六十年華既感覺😅，平平無奇，無咩特別，枱與枱之間都有D距離，唔算好逼夾，都算坐得舒服既😁。order左個辣肉碎米粉 配餐蛋多士 $37正常價錢，辣肉碎都幾惹味😝，米粉係新竹米粉，比較有咬口，多士有烘底，不過略嫌唔夠脆同熱。沙爹牛肉公仔麵 配腿蛋多士 $37沙爹牛肉似有用心處理過，濃濃既沙爹汁同牛肉好夾，味道唔錯😉。不過杯茶就無味茶味，比較起上黎，失色左D😶。整體新開張黎計算係咁，出品正正常常無錯漏，不過唔知係咪又係集團式經營，感覺有D似曾相識😅。