翠河燒味 (利東商場)

營業中

休息中

自從有次食過西式午餐後，已經放棄翠河既西餐，只係晚飯食魚餐，有時叫蒸魚有時叫薑葱魚腩煲，都係唔錯的。上星期個胃唔舒服又唔想食粥，就去食個late breakfast。以往會去商場另一間茶記的因為佢個沙嗲牛好正，件多士係丹麥酥多士。但唔知幾時開始轉咗用餐包或白麵包，無多士供應了！即時downgrade晒個早餐，怪不得人氣都下滑了。講返翠河，今次個經典早餐竟然有件唔錯既油多。牛油份量ok，烘得有多士金黃色绝不馬虎，比起搬舖前有大進步。係舊舖時件多士乾睜睜的，同白麵包分別不大，我次次都要求加牛油，否則完全無意欲食佢。但而家件油多已經煥然一新，由可有可無的配角變成呢份早餐不可或缺的重要元素。總括嚟講呢份經典A餐既質素對得住捧場客。但通粉個湯底仍有進步空間。