香江茶餐廳

營業中

休息中

今日約左男友食早餐同返教會，我帶左佢去間屋邨懷舊茶餐廳度試下，間餐廳起碼有廿幾年歷史，我好細過時食過一次，今次再去，間餐廳都已經裝修過，比起以前，啲燈光猛左好多，枱凳亦都乾淨左。我叫左個火腿絲通粉，跟餐配煎蛋腸仔方包同咖啡。先黎杯熱咖啡，咖啡味好濃烈，好似少奶咁，所以迫住我要落少少砂糖。再黎碗大大碗火腿絲通粉，餐廳都係用滑lu lu舊式通粉，但可能廚房煮耐左，或者屋邨多老人家幫襯，所以啲通粉煮得林左啲，方便老人家進食。碗通粉好大碗，食晒碗粉已經夠飽，所以塊方包我都比左男友食。腸仔煎得幾香又唔會好咸，煎蛋我無特別要求要太陽蛋，所以餐廳比左全熟既煎蛋。三十蚊已經食到好飽👍🏻。