Bittersweet (已結業)

由於間舖頭好細大約只係可以坐到 15人，今次我哋都係第一次一家三口去食。 好彩我哋早去所以唔使等就有得坐， 嗌咗兩個all day breakfast ，擺盤好靚呀！雖然啲人話係現成嘅食材焗番熟 但其實我喺出面食過嘅都係差不多啦，唔通期望$60個餐，佢會手製香腸咩🙈 特別鍾意佢嘅蛋沙律同乳酪，蛋香同質地都剛剛好，有乳酪又令到個餐好似健康d 🤣牛角包就一般咋，如果熱返少少就好。 粟米沙律啲菜都新鮮嘅同爽脆！ 另外我嗌咗杯鮮奶咖啡，其實都係一般🙈 以為有拉花點知原來冇 👉🏻👈🏻 店舖嘅黑板牆好靚，如果唔係有其他人我都好想坐低打卡。途中有其他人想入嚟食，但因為已經坐滿，職員都有同佢哋講起碼要等一個鐘，因為大家都係啱啱坐低。。 有人講過呢間嘢服務態度唔好，但其實我覺得如果佢咁樣提醒你，反而係一個好服務，唔會要你白等咁耐。