Bittersweet (已結業)

夏天去食，個日落勁大雨，但朋友未到，諗住入去坐住等，點知位店員話人齊先準入座，我問太大雨係入面坐住等得唔得（無攞遮），點知佢話唔得。岀面大雨到倒水咁款，淨係識得話我哋對所有客人都係公平，我心諗你成個場都無客人，俾我入黎等下好難咩？最後我問佢咁我係咪要喺出邊淋住雨等？佢哋話係🤯。啊老細有性格同冇禮貌係兩件事，咁嘅態度等執粒啦！係黃店都唔會再幫襯。啲嘢又唔係特別好食，menu又整得核突，同區大把選擇，真係超級唔推薦，除非你想受氣啦

WFH 日子鍾意去 bitter sweet 食午餐，嗌咗 Set B，有煙三文魚🐟，個比高包幾好，唔會太硬，有口感，雞蛋沙律🥚亦有驚喜，唔會太漏，鍾意配個乳酪，不過，如果大杯dd更好。去 cafe 梗係飲咖啡，呢杯蜜糖桂花咖啡，好香桂花，蜜糖唔係死甜糖醬，飲得感覺好舒服。

趁着復活節假 又唔想咁多人迫 黎呢啲小區真係一個唔錯嘅選擇 舖頭唔算顯眼 裏面位都唔係好多 但係就算復活節假都唔多人 即刻有位坐 餐牌超有心機睇落樣樣都好吸引 睇咗好耐最後叫咗兩杯咖啡同埋甜品👇🏼雪糕cheese cake 可以揀唔同味道嘅雪糕 滿足晒個甜品胃👇🏼碎朱古力沙冰 係超大杯 朱古力味我覺得可以再濃d👇🏼杏仁豆腐咖啡 呢個我超鍾意 鍾意有啲杏仁味又唔想太重 唔知係唔係豆腐中和咗少少杏仁味 所以飲落好舒服埋單百零蚊 性價比極高 就算假日都唔會太多人 不過座位唔算太舒服 適合中途休息吓

間中都會來幫襯，差不多每次去都會食Bagel, 外脆內軟暖笠笠好好味！早餐價錢抵，簡單健康味道ok, 份量也剛好，服務出名一向地串都預左，大家有心理準備就好，其實都係互相尊重啦，佢唔會俾好好服務，又唔係好差，只要唔係為環境坐得舒唔舒適或者賓至如歸般體驗而來的話就好，小小咖啡店大家說話音量收細其實都應該的。單純為食個靚早餐飲杯特式咖啡而來的話不會失望，當然心胸和心臟要夠強大，不易受傷或被無尾音的對答影響心情囉。

大部分咖啡店現主要都聚於上水一帶，自己就腳而又休閒舒適嘅cafe只此一間 bittersweet。第一次光顧被心思甚足的手工餐牌及黑板畫驚艷。鋪面由最初到現在仍然維持著 "入座後不設換位" 此規則，眼見不少慕名而至但因不知門路而被店員黑臉嘅客人，感覺可惜。覺得店員西得嚟有理，或者大眾對餐飲服務業的期待值已被劉德華口號洗腦。以食物質素而言價錢合理，推介餐牌內芝士牛肉三文治及其各式特飲。**疫情期間需在門外完成全部程序方可入內

今日聽男朋友話好食， 特登入黎食。一入去就比人問候：「咩事架你地？！」然後我地話：「三位」佢地一句：「無位！」就趕我地出去。咁其實無位唔緊要， 我地咪等...過左無耐，個店員再出黎講：「我地無三位， 要分開坐..」「ok呀～」我地講。「你地堅持要三位就唔該去d4人或者6人既餐廳！」然後「呯」一聲，店員就關左門。......心諗咪話ok，我地都呆左。過多陣，似乎店員見到我地仲係門口，就出黎問。「分開坐都ok阿嘛？」「係呀…」然後終於...終於入到去。簡好餐想點餐，「唔該」。「你直接講啦！」店員果刻我以為去錯左澳牛。默默咁點完餐。...... 然後因為同行既朋友， 分左去好遠既地方坐，咁因為佢地店規則分檯都無乜野。但同行既朋友見我地格黎檯空左。「唔好意思， 想問下可唔可以....」話都未講完。「唔可以，我地個位係留比2位既客人座架！」「ok..」然後過程中店員閒聊間講之前d客幾衰，其中仲提及其他三位黎既客有幾衰。食物質素普通， 記得3位就唔好去， 驚你地比人小。態度先扣左80分， 我都係覺得要上黎記錄下最真實既體驗。

同我朋友一人嗌左一個意粉食兩個意粉既賣相唔吸引之外，個青醬意粉又淡又乾啲雞肉份量好多，但鞋到以為食緊紙。兩個感覺似係老闆既人對客既態度都好差成個用餐體驗都好差🤗黃店都冇面俾 以後都唔會再去食。

餐廳細 大聲少少講嘢比店員啤兩個店員啲態度好差 串串貢意粉仲衰過啲急凍即叮意粉雞肉又柴又硬 比錢買難受 食到好壓抑 20分鐘食完急急腳走Happy Sunday比間餐廳搞喎曬

之前住係粉嶺，難得搵到間cafe，試過佢哋嘅 All Day Breakfast 同咖啡後便愛上，所以即使宜家搬咗去馬鞍山，我同老公都會專登揸車返去幫襯😆先講講佢哋嘅食物，我鍾意佢哋有多款All Day Breakfast 選擇，覺得佢哋嘅牛角包同炒蛋好出色，尤其個炒蛋，夠晒滑！配埋啲豬柳，腸仔，乳酪等就啱啱好！每個餐大概$5x - $6x, 真心抵。然後就係我最鍾意嘅咖啡！佢哋嗰度好多選擇，好多出面試唔到嘅，例如乳酪咖啡，梳打咖啡，我好鍾意飲咖啡，所以佢哋嘅咖啡，真係好吸引我！今次我飲嘅係熱香橙脆脆咖啡，好正。見度有啲人評價嗰度嘅2位店員（或者係老闆？），我都想分享自己經歷。首先利申：我唔識佢哋，亦非打手。嗰度2位店員，由我第一次幫襯，已經感覺到佢哋係無咩表情，講野無tone ，可能會易得罪客人， 但我覺得咁又唔代表無禮貌。之前一直對佢哋無感覺，只係覺得我有我享受咖啡，你有你serve, 就係咁簡單。直到有一次，我同老公食完起身去埋單，點知後面有人想打針比錢，店員就一貫無tone嘅語氣叫佢哋要排隊，嗰刻我開始留意呢2位店員，覺得佢哋唔係無禮貌，只係咩都要講規矩。另外有一次，我記得我哋

由他們開業開始,一直幫襯,每2個星期都會去一次咖啡一般，食物不算特別，但都算有誠意！而且係粉嶺裏面唯一的Cafe有一點特色一直都知道兩位老闆有點個性，例如大聲少少又會俾人啤住！未齊人或者中途加多一個人又會俾說話你聽叫食物慢啲又會比眼神你睇🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️上個月帶小朋友食嘢,小朋友剛剛開着iPad 1秒來不及校細聲，已經被黑面雙殺（裏面唯一兩個店員應該都係老闆）怒啤9秒9..........跟住行過嚟叫小朋友唔該細聲（但係語氣差)自問去開Cafe知道小朋友需要安靜不打攪人，帶小朋友從來冇遇到呢啲情況!！眼見他們食物質素沒有提升但係態度卻越來越差！近呢幾次去遇到嘅態度都很差，再好食都唔會去😩😩😩粉嶺上水好多小店特色得來態度都係照直但係唔會咁樣對客人，

吃完豬手麵好想飲番杯咖啡，上網看到這家咖啡便想去探探。海鹽咖啡系列有幾個選擇，有海鹽焦糖、海鹽橙香、海鹽朱古力，忽然想起多年前第一次嚐海鹽咖啡是在台灣的咖啡店，冇得去旅行就在些回味一下。叫了一杯海鹽焦糖咖啡，濃縮咖啡加上焦糖醬，奶泡也打得幼滑，加上海鹽味道也很平衡，是不錯的，但這店的店員態度比較硬呢！

🍴《Bittersweet 咖啡館》I▪️🅘🅝🅣🅡🅞想食一個簡簡單單嘅早餐🥣，係一個舒適嘅環境下享受，必須要早起，我們成為了第一枱客人❗️牛角包🥐好鬆脆，配上自選嘅餡料，來一個自製🥐❗️👍🏻配上一杯熱辣辣嘅咖啡☕️，係呢個冬天增添暖意，咖啡味道濃厚，拉花不錯啊❗️I▪️🅟🅡🅘🅒🅔🔹Breakfast 4 🥐🥚🌽🐟☕️🔸HKD 42I▪️🅐🅓🅓🅡🅔🅢🅢📌 粉嶺 📍聯和墟和豐街和豐閣4號地下

同朋友去粉嶺，搵到呢間小店好似唔錯點知一開openrice就見到一大堆level 1既人話服務差，又乜乜乜咁。又用哂疊字又唔知點，總之就好齊心咁話服務態度差本身都有少少驚中伏，結果小店完全係超水準。服務態度好，野食高質，連份menu都靚過人。去嗰日仲有寄賣月餅添。先講左服務先，跟著再講野食。店員有禮貌，serve野食既時候都會好小心，又會介紹唔同既咖啡比客人，我完全見唔到有咩問題。首先比大家望下個靚靚menu︰份menu太大份，我冇影哂咁多頁。總之就超精美超有心機既menu。然後講下食物，我哋叫左︰蜜糖牛肉芝士厚切三文治、肉鬆滑蛋芝士厚切三文治、肉桂鮮奶、海鹽焦糖咖啡三文治好脆，熱辣辣勁新鮮，芝士份量啱啱好，有拉絲既效果又唔會太膩蜜糖牛肉芝士厚切三文治︰本身以為會係平時蛋牛治嗰種碎牛/咸牛，點知竟然係肥牛肉鬆滑蛋芝士厚切三文治︰肉鬆份量好多，一邊食一邊跌，滑蛋同芝士令到口感好有層次肉桂鮮奶︰超香，店員拎緊過黎既時候已經聞到，唔會好熱，肉桂同鮮奶味道好夾海鹽焦糖咖啡︰海鹽同焦糖既份量幾多，但係又唔會蓋過咖啡味，咖啡冇咩酸味，非常啱我總括黎講，服務態度好，野食新鮮大份好食，非常推介大家去食

"It is only with the heart that one can see rightly; what is essential is invisible to the eyes."《小王子》裡的狐狸說過，「一個人只有用心去看，你才能看見一切。因為，真正重要的東西，只用眼睛是看不見的。」這間小店的裝修簡潔，播著AGA的歌，感覺很貼地，但一杯薄荷薑汁咖啡將這一切變得不平凡。薑味和咖啡配合得剛剛好，可同時享受著兩者的香味，口腔會有種清涼的感覺，相信是薄荷帶來的餘韻，但一點像牙膏的薄荷味也沒有，杯內發現有兩片薑片，最重要沒有薑的辛辣，只有香味，真的很美味，實在是用心之作。焦糖咖啡亦能做到香醇可口，惟早餐的牛角包可以先烘多一點時間，令其脆一些再夾蛋味香濃的蛋沙津，相信風味更佳。

平時星期六無咩野做都會入聯和墟食下早餐，因為有d「街」行下，係「街」唔係「商場」。聯和墟都有幾多野食架，可以生存下來的餐廳都唔錯架。今次係食小小咖啡度，all day breakfast，飲下咖啡。係小店，係好細既店。坐得唔係幾舒服。都真係幾迫下。唔好諗住住都好耐。野食就係健康既，唔會話好濃味，都幾有住家feel既。