E Burger Cafe (聯和墟) (已結業)

今日呢個［芒果乳酪辣蝦潛牛角包］係必食之一，微酸少辣，好開胃，蝦肉彈牙爽口，輕輕烤過嘅牛角包，更添香脆。怕唔夠飽？加個［餃子蕃茄湯通粉］，長白通粉好彈牙，唔係度度都有得食架。想食豐富早餐嘅日子，我會嗌［豪華早餐］，沙律菜🥗、薯餅、餃子🥟、辣肉腸好惹味、黑松露炒蛋又滑又香、但我最鍾意漢堡扒，有啲 juicy 又有口感，食埋牛角包好滿足！去 Café 梗係要一人一杯咖啡☕，拉花都唔錯架💞。佢地嘅杯＆碟都係同一色系，打卡都加分😆！