幸福小廚

營業中

休息中

今日家人下午要出外，所以諗住於屋企食埋早/午餐先出去。咁啱幸福小廚的早餐供應至11:45，就落咗共3份早晨 (因外賣平台滿120有折扣及免運費)。雪菜豬扒米粉 - 豬扒肉質唔會太韌，幾入味沙嗲牛肉蛋通粉 - 沙嗲汁小小唔夠，但牛肉口感算唔錯，份量亦算OK，通粉係用大型的，唔錯，幾好味。雞扒腸仔通粉 - 雞扒整得算啱啱好，唔會太縮水或者韌。腸仔一般正常。厚多士我地牛油及煉奶都有要，2種都OK，雖然係送餐，但都仲有小小鬆脆。整體早晨CP值滿意，而且仲供應至11:45。飲品方面，凍奶茶較一般。