帝景軒 (已結業)

Staycation入住帝景酒店。兩個人如果連早餐，房價大約加多一百蚊。因為酒店附近好 荒蕪冇咩餐廳，所以我哋就留返酒店享用早餐。呢到嘅早餐是美式早餐。現實同網站賣相好大出入。不過$50嘅價錢，本身期望都唔高，所以都冇失望。如果要同出面快餐比，呢個酒店早餐略勝一籌。雞扒冇雪藏味；薯餅微暖但外皮都夠脆，並非隔夜或翻炸薯餅；煎蛋蛋黃半生熟有流心效果；生果夠甜。英式鬆餅同通粉就非常普通，不值一提。飲品可以自由斟，基本牛奶、果汁、咖啡，茶都有。整體來說，價錢同品質成正比。住開呢間酒店又懶揾早餐， 不妨一試。