時代冰室 (One Madison) (已結業)

第二次黎食早餐，第一次可能新開冇耐，唔使等位，今次已經要喺門口攞飛等一陣， 九點半都坐滿。首先想講，份早餐真係大份又抵食， 一份餐入面有火腿奄列配餐包(餐包可以選擇多士、牛角包，仲做免費轉迷你菠蘿包)， 仲有瑞士雞翼撈麵。火腿奄列好足料，入面包滿火腿， 一啲都唔求其。瑞士雞翼撈麵真係大份到食唔曬， 直頭飽到午餐都唔使食， 最鍾意係加咗啲蔥油， 再自加少少辣椒醬，好食第一次嚟比較好， 迷你菠蘿包啱啱出爐仲暖身， 同埋瑞士雞翼嘅質素都做得比較穩定😃 第二次差咗少少，因為一隻雞翼爭少少先至熟透，而第二隻就太熟，一叉落去就爛曬。 希望下次再嚟可以保持到水準