土司工坊 (荷里活廣場) (已結業)

仲記得Toast Box啱啱開張嘅時候，一份早餐只係廿幾蚊，我最鍾意食佢嘅花生醬多士餐，件多士夠大份， 啲花生醬又香，煎蛋係流心嘅，同埋佢杯南洋咖啡真係好香，味道一流。但係而家就唔同啦。首先唔講佢已經加到40幾蚊一份早餐，佢個花生醬多士唔知點解好硬，又難咬，唔小心啲食真係可能會整親牙肉。仲有佢嘅奶茶，唔知係咪落得太多煉奶，得個甜字，試過飲到一半要叫佢加多啲茶俾我。依家有時行過都好想食佢嘅早餐，但係諗起啲質素一路下降緊，都會選擇食其他餐廳。如果遲啲有機會，我都想再試下佢嘅早餐，睇吓有冇改善。