家樂軒小廚

營業中

休息中

本人在2016-9-4早上九點到天水圍俊宏軒 家樂小厨吃早餐，叫了吉列魚柳早餐 但一口咬落去有腥臭味！ 連坐在我旁邊的男士都聞到，所以立即通知老闆娘換過 但當時佢態度惡劣仲話我咁巴閉 之後走過来要先攞走碟臭魚柳才可以換過 但我拒絕要先来碟新的 但她就強行搶走碟吉列魚柳立即毀屍滅跡，佢個仔仲走出嚟大大聲話天氣熱啲魚臭係正常呀！ 我聽到佢咁講都嚇咗一跳! 仲叫我去食環署投訴佢 呢啲咁不負責任嘅店我永遠都唔會再幫襯。 後來我查過新聞原來間家樂小厨曾經有兩次被衛生署封舖記錄！以上事件當天已經立即打電話去食環署投訴。