The Flying Pan (已結業)

我梳乎蛋的第一篇食評，當然要講蛋，而論蛋，是一個停不了的話題，早餐至宵夜糖水皆可有蛋，但最好的，離不開一日開始的早餐。在中環，我的平靚正首選就是Flying Pan，佢都已經開了多年，有人話水準差了，我話大家選擇多了而已。一份全餐，最豐富的一款，好聽的英文名字忘記抄下，就是有4隻蛋的只有一款，可以兩個人分食，想食big breakfast，無可能不大滿足，我選了sun shine ，配合我的生活模式，hea 住食！四隻蛋煎到連在一起放中央，煙肉超大條，微微焦膿，半肥瘦，已經吸走晒油，所謂sasuage似煎肉餅，但肉腸鹹香濃，茄汁豆用碗仔載，仲有凍番茄湯，估計係罐頭食品。吃完有蔬果，新鮮番茄及水果。粗粗地，賣相不講究，食材中等，勝在配搭齊全，價錢合理，想食得飽飽有要求又錫住荷包的首選！