拾月冰室

營業中

休息中

前兩日，經網上外賣平台有六折優惠，叫咗個下午茶餐外賣, 卡邦尼海皇焗意粉，仲有招牌咖哩牛腩飯，海皇焗意粉有蝦、有蟹柳同蜆肉，材料幾足，另外個咖哩牛腩飯，有薯仔、青黃椒，當然仲有牛腩牛筋，少少辣，份量足夠，感覺非常唔錯，另加兩杯嘢飲，只係60蚊。所以今早過嚟試下食早餐，但係個早餐令我有啲失望，叫咗個k餐蒜香脆皮雞扒，雞扒炸過久，成個雞肉食落好嚡及乾，跟餐有牛乳炒蛋、牛油粟米及一片青瓜，炒蛋都幾大份，但冇味，同時亦叫咗個雞中翼通粉加煎蛋，個雞中翼都係偏乾，現場冷氣唔係好夠，職員態度一般。餐廳都多人幫襯，可能啲嘢食，價錢唔算貴，見多人點炸魚柳早餐，佢嘅魚柳都幾大件夾抵食，呢間餐廳啲嘢食，唔知係撞彩，定係平時都係咁，兩次嘅經驗體驗，完全唔同，報告完畢