影片
更多
2021-11-09
58 瀏覽
約左屋企人一齊上山頂行大運，先喺銅鑼灣集合，食完早餐再出發。有人好醒目，一早做定功課，帶左我哋嚟利園山道呢間「波士冰室」。餐廳以老香港情懷為主題，復古綠色鐵閘、格仔階磚牆身、懷舊信箱，甚至連餐牌都係仿照報紙設計而成，令人想起昔日點滴，重拾兒時趣味。早餐選擇豐富，共有 10 款，另外亦有三文治、厚多士等供應。點左兩個早餐同一客三文治套餐。吉列魚柳拼雞肉腸、櫻花蝦炒滑蛋、丹麥多士、熱檸茶 ($46) 魚柳勁大塊，即叫即炸，魚肉雪白嫩滑、入口香脆不油，沾沙律醬吃，十分美味！雞肉腸輕輕煎過，帶適量肉汁，味道正常。滑蛋炒得夠金黃，唔會過老，面頭的櫻花蝦乾爽帶脆、咸香惹味。丹麥多士有一層層酥皮口感，加上塗了自家調校過的牛油，食落甘香酥脆，滋味無窮。至於另一客西冷牛扒拼雞肉腸、櫻花蝦炒滑蛋、丹麥多士、凍鮮奶 ($50) 亦份量十足，牛扒煎得火候啱啱好，肉質軟嫩又 Juicy，配搭可口嘅雞肉腸、滑嫩炒蛋和充滿牛油香氣嘅多士一齊食，夠晒飽肚。早餐送熱飲，+$3 可轉配凍飲或罐裝汽水，+$4 更可以轉凍鮮奶。另外呢客厚切白豬仔餐肉滑蛋三文治 ($30) 亦誠意十足，大大件，即叫叫製。餐肉煎得十分香脆，
約左屋企人一齊上山頂行大運，先喺銅鑼灣集合，食完早餐再出發。有人好醒目，一早做定功課，帶左我哋嚟利園山道呢間「波士冰室」。
餐廳以老香港情懷為主題，復古綠色鐵閘、格仔階磚牆身、懷舊信箱，甚至連餐牌都係仿照報紙設計而成，令人想起昔日點滴，重拾兒時趣味。
早餐選擇豐富，共有 10 款，另外亦有三文治、厚多士等供應。點左兩個早餐同一客三文治套餐。
吉列魚柳拼雞肉腸、櫻花蝦炒滑蛋、丹麥多士、熱檸茶 ($46) 魚柳勁大塊，即叫即炸，魚肉雪白嫩滑、入口香脆不油，沾沙律醬吃，十分美味！雞肉腸輕輕煎過，帶適量肉汁，味道正常。
滑蛋炒得夠金黃，唔會過老，面頭的櫻花蝦乾爽帶脆、咸香惹味。丹麥多士有一層層酥皮口感，加上塗了自家調校過的牛油，食落甘香酥脆，滋味無窮。
至於另一客西冷牛扒拼雞肉腸、櫻花蝦炒滑蛋、丹麥多士、凍鮮奶 ($50) 亦份量十足，牛扒煎得火候啱啱好，肉質軟嫩又 Juicy，配搭可口嘅雞肉腸、滑嫩炒蛋和充滿牛油香氣嘅多士一齊食，夠晒飽肚。
早餐送熱飲，+$3 可轉配凍飲或罐裝汽水，+$4 更可以轉凍鮮奶。
另外呢客厚切白豬仔餐肉滑蛋三文治 ($30) 亦誠意十足，大大件，即叫叫製。餐肉煎得十分香脆，厚切得嚟又有咬口；炒蛋半熟，嫩滑多汁，食完飲埋杯招牌熱奶茶 (+$12) 好滿足。茶色呈金黃，口感順滑，做到掛杯效果，唔錯。
張貼
