金記冰室 (新都城中心二期) (已結業)

大概11:00到達，冇得攞飛，要直接排隊，排咗5分鐘就入得，餐廳實行自助手機落單，落單程序都算簡單，落完單，嘢食好快就上枱，但係個多士有啲凍，已經唔香口，個炒滑蛋幾好食，唔乾身，仲好多汁。個沙嗲牛肉麵湯底略嫌量少，牛肉份量適中，好冧身，但係好大塊，如果可以切細塊啲比較好，個湯底幾正宗，啲麵都軟硬適中，杯凍奶茶有半杯都係冰，下次要嗌少冰。整體上食物嘅速度都比較快，環境寬闊，枱與枱之間有一定距離，水要自己另外叫，餐具喺枱嘅暗格櫃桶，有紙巾提供。