金華冰廳

營業中

休息中

今朝要出旺角做啲嘢，早到咗，就去食個早餐先。行到花園街金華，裡面好多人，8成以上都係遊客，不過我自己一個都好易搵位，搭枱都無乜所謂。揀咗個早餐，有煎蛋，腸，火腿，沙嗲牛肉通，再加杯凍檸茶走甜。早餐無乜特別，正常茶餐廳早餐一份，沙嗲牛，基本上食唔出有沙嗲味，你話係蠔油牛肉都真係差不多，牛肉有一片大嘅，仲有2小碎舊。凍檸茶，ok嘅，個茶胆唔錯，有茶香唔會苦。本來想食個菠蘿油，但食唔落，留下次有機會再試。見差不多每枱都會order西多士，菠蘿油，豬仔包，或油多，我唸佢出品嘅包點係出名，最少旅遊書，或小熊書有介紹卦。