山頭火 (iSQUARE國際廣場)

營業中

休息中

第一次到訪iSquare，發現有好多食肆，尤其以日本餐廳居多，但最後都冇改變到原定計劃，到左山頭火食個午餐。叫左一個叉燒飯餐，包括一個辛味味噌拉麵（細）同一碗叉燒飯（細）。漬物有醃翠玉瓜，酸酸地又爽口，不錯的。除左翠玉瓜仲有半隻蛋，但唔係溏心，有點兒失望。湯底雖然話係辛味，但冇咩辣味，味噌味都唔算太濃，冇咩特別。麵亦都只係普通貨色，不過不失。整碗麵最好的應該係舊叉燒，切得幾厚，不會過薄。肉唔會爛晒，而且肥的部份都幾多，入口幾甘香。如果唔只係一舊的話就好了。食拉麵本來係件冇咩特別的事，但多左碗飯唔知點解感覺好似唔同晒咁，可惜原本好期待的叉燒飯有點兒令人失望。整碗飯好乾，多啲油份的話就算乾啲都無所謂，最衰叉燒全都係瘦肉。食完一碗飯同一碗麵後，都幾飽的。第一次食北海道的旭川拉麵，食唔出同其他拉麵有冇分別，亦都可能係依間餐廳自己的問題。總覺得拉麵係一樣好難有好大驚喜的食物，雖然冇笑臉一個，但都有OK，可以一試的。