影片
更多
2023-04-21
38 瀏覽
呢間餐廳主打海鮮粥底蒸氣火鍋🍲，有唔同嘅海鮮套餐可以揀，揀完套餐之後，店家先喺魚缸度撈起啲海鮮，夠晒生猛新鮮！佢有唔同價位嘅海鮮套餐可以揀，人均低至$369已經有鮑魚、蟹、刀貝蚌🦪呢啲高質海鮮，最基本嘅套餐都已經有八款海鮮，一次試過曬佢！一坐低，店員會簡單介紹吓餐牌嘅海鮮，仲會即時用埋個蒸氣火鍋，蒸一蒸啲餐具消毒一下♨️～每道菜都會有店員親手幫你主理，逐樣逐樣向我哋介紹，每樣食材精嘅時間都唔同，佢每一款幫我哋慢慢蒸，由淡味開始食起，十足十海鮮版嘅omakase！每個套餐都會包個粥底，粥底吸收晒海鮮同肉嘅鮮味，超級鮮甜又綿密，記住留返個肚食粥！------------------------------🦐◖包羅萬有海鮮二人套餐◗ $999 兩位用呢個套餐總共有十八款品項，除咗基本要有嘅海鮮，仲多咗啲肉類嗰啲～逐樣逐樣海鮮食完，先至到肉類，到最後再食菜。蒸嘅時候啲海鮮嘅精華滴晒落個粥底度，留返最後先食，鮮味十足！所以記得唔好食太飽，留返個胃到最尾食返幾碗粥！🤣🦀海鮮類▪️野生膏仔蟹：有好多蟹膏，而且蟹肉都唔少▪️太平洋饅頭蟹：第一次試饅頭蟹，佢係深海蟹，係繁殖季節先會出淺海，比較罕有呢～味道鮮甜
一坐低，店員會簡單介紹吓餐牌嘅海鮮，仲會即時用埋個蒸氣火鍋，蒸一蒸啲餐具消毒一下♨️～每道菜都會有店員親手幫你主理，逐樣逐樣向我哋介紹，每樣食材精嘅時間都唔同，佢每一款幫我哋慢慢蒸，由淡味開始食起，十足十海鮮版嘅omakase！每個套餐都會包個粥底，粥底吸收晒海鮮同肉嘅鮮味，超級鮮甜又綿密，記住留返個肚食粥！
------------------------------
🦐◖包羅萬有海鮮二人套餐◗ $999 兩位用
呢個套餐總共有十八款品項，除咗基本要有嘅海鮮，仲多咗啲肉類嗰啲～逐樣逐樣海鮮食完，先至到肉類，到最後再食菜。蒸嘅時候啲海鮮嘅精華滴晒落個粥底度，留返最後先食，鮮味十足！所以記得唔好食太飽，留返個胃到最尾食返幾碗粥！🤣
🦀海鮮類
▪️野生膏仔蟹：有好多蟹膏，而且蟹肉都唔少
▪️太平洋饅頭蟹：第一次試饅頭蟹，佢係深海蟹，係繁殖季節先會出淺海，比較罕有呢～味道鮮甜但係肉嘅份量唔算多
▪️野生琵琶龍蝦：店員話呢個係時令海鮮，貨量俾龍蝦仲少，今次嚟到有貨即刻試一試佢睇，超級鮮甜肉質好彈牙，推介！
▪️台灣九孔鮑魚
▪️日本野生大赤蝦
▪️紐西蘭刀貝蚌：大大隻貝類，肉質好爽脆清甜
▪️大西洋野生青口
▪️黃金翡翠螺：翡翠螺夠大隻，但肉質比較韌有啲難咬
▪️韓國釜山珍珠蠔：好鮮甜好creamy，海水味啱啱好
🐂肉類
▪️黑安格斯牛肉
▪️濟州黑毛豬肉：豬肉味香濃，就咁蒸都已經好夠味，帶少少油脂嘅甘香
▪️無激素蟲草花雞件
▪️芝心小籠包
▪️星爺爆漿瀨尿牛丸
▪️蟹仙蝦蟹棗：鮮味濃郁，彈牙，但略嫌調味甜咗少少
▪️豬骨濃汁貢丸
▪️有機蔬菜籃
🥣椰汁燉雪燕
食到勁飽之後，準備埋單，店員送上兩碗椰汁燉雪燕糖水，微甜，雪燕煮得軟爛，養生滋潤！
🌟 Encore指數：8.5/10
張貼
