部屋咖啡室

今日去咗廣華醫院探老人家，探完病之後就去登打士廣場食cafe🤩餐廳位於登打士廣場高層，分咗兩間房，環境寧靜舒適，仲有好多board game可以任玩😆餐牌有好多款意粉同埋Pizza可以選擇，最抵一定係嗌呢啲套餐，有齊晒小食、意粉、pizza同埋飲品。意粉我哋嗌咗香辣虎蝦海鮮意粉，微辣嘅蕃茄醬配上青口、鮮蝦各種海鮮，惹味得來又唔會好滯，份量亦都唔少。至於pizza，我哋就嗌咗BBQ烤雞蘑菇pizza， pizza屬於薄批嘅類型，芝士做到拉絲嘅效果，但係略嫌個皮唔夠脆。料都十分足夠，每一塊pizza都至少有一至兩舊雞肉😆餐廳最出名嘅就係炸蟹餅，外脆內軟，配埋泰式醬汁，忍唔住一嚿接一嚿😆嘢飲方面叫咗兩杯特飲，楊枝甘露出色，有勁量嘅芒果同西柚，配上椰奶，解渴一流。熱水果茶都好出色，大大壺，起碼有十幾二十杯，水果味好濃，好飲過好多外面嘅茶飲店。下次會試埋其他款嘅pizza同意粉😆