影片
更多
2017-10-11
421 瀏覽
喺太子食完點心，見時間尚早，決定去旺角逛逛。友人說要帶我去旺角中心吃綿綿冰，吓，旺角中心！那個商場不是專賣衣服鞋物的嗎？原來友人所講的就是這間開喺二樓嘅立食甜品店「翟道翟棉棉冰」。據說老闆曾經在泰國工作旅行，留意到當地很流行吃芒果糯米飯綿綿冰，所以回港後便照辦煮碗。招牌棉棉冰選擇不多，只有三款口味，包括有芒果糯米飯、榴槤糯米飯和泰式奶茶紫米。不過飲品選擇就非常豐富，有奶昔系列、梳打系列和泰式系列。友人想試賣相煞食嘅芒果糯米飯綿綿冰 ($48)，而我就揀咗杯以阿姐首歌命名嘅迷人 Pink Lady ($28)。購票後，見店主拿出一個黑色的特製膠碗，底層先墊威化脆脆，然後鋪上糯米飯，接著加入芒果粒，再刨上用芒果汁及泰國椰奶混合製作的冰底，最後就在頂層唧上椰子忌廉及灑上綠豆邊，綿綿冰便大功告成。拍過照後，急不及待，馬上舀起試試，入口綿密幼細，近乎即化，而且椰奶味道好香濃，甜度亦剛好。至於芒果方面，分量亦十足，食落清甜，不會太膩滯，而且切得夠曬大粒，配煙韌又有斑蘭香嘅煙燻糯米飯吃，口感豐富。至於杯色澤粉紅嘅迷人 Pink Lady，其實是泰國街頭常見，俗稱紅水綠水的飲品，味道似奶昔，甜甜地，行
喺太子食完點心，見時間尚早，決定去旺角逛逛。友人說要帶我去旺角中心吃綿綿冰，吓，旺角中心！那個商場不是專賣衣服鞋物的嗎？原來友人所講的就是這間開喺二樓嘅立食甜品店「翟道翟棉棉冰」。據說老闆曾經在泰國工作旅行，留意到當地很流行吃芒果糯米飯綿綿冰，所以回港後便照辦煮碗。
招牌棉棉冰選擇不多，只有三款口味，包括有芒果糯米飯、榴槤糯米飯和泰式奶茶紫米。不過飲品選擇就非常豐富，有奶昔系列、梳打系列和泰式系列。友人想試賣相煞食嘅芒果糯米飯綿綿冰 ($48)，而我就揀咗杯以阿姐首歌命名嘅迷人 Pink Lady ($28)。
購票後，見店主拿出一個黑色的特製膠碗，底層先墊威化脆脆，然後鋪上糯米飯，接著加入芒果粒，再刨上用芒果汁及泰國椰奶混合製作的冰底，最後就在頂層唧上椰子忌廉及灑上綠豆邊，綿綿冰便大功告成。拍過照後，急不及待，馬上舀起試試，入口綿密幼細，近乎即化，而且椰奶味道好香濃，甜度亦剛好。至於芒果方面，分量亦十足，食落清甜，不會太膩滯，而且切得夠曬大粒，配煙韌又有斑蘭香嘅煙燻糯米飯吃，口感豐富。
至於杯色澤粉紅嘅迷人 Pink Lady，其實是泰國街頭常見，俗稱紅水綠水的飲品，味道似奶昔，甜甜地，行到攰用來解吓渴都唔錯。下次嚟開旺角，會再試吓其他款式嘅綿綿冰。
張貼
