The Mafe Cafe (已結業)

好耐冇上過旺角啲樓上Cafe。正當以為大部分樓上Cafe都已沒落就俾我發現咗一間隱世Cafe。回想當年一定會同朋友黎高氏大樓啲Cafe 打躉, 原來現今係呢幢大廈仲存在。餐廳内環境旺中帶静, 跟友人聊天進餐一流。地方整潔寛敞, 食物有驚喜非常好味! 佢嘅塔羅特式飲品好多選擇。塔羅特式飲品- 節制 (西柚, 菠蘿汁) $48顏色鮮豔名為節制, 入面嘅菠蘿汁好香甜 西柚味好開胃。打咭一流!黑松露野菌忌廉意大利飯 $108忌廉汁好濃郁 黑松露香口 非常香濃嘅意大利飯 份量也不少 性價比很高。日式黑椒牛柳粒飯 $114黑椒汁好香甜 牛柳柔嫩 選用咗日本米 非常有口感 好有驚喜 强烈推薦。所有食物都好有驚喜, 質素味道都拍得住好多意式餐廳, 值得推介嘅樓上Cafe。