意菲咖啡室 (已結業)

星期五晚大約6點半時間喺中環搵食，特意唻呢間之前新年經過但因冇開門所以冇幫襯到嘅IL Coffee試吓，全因被佢大廈外觀及內裡特色擺設及裝修吸引。由於時間尚早，全場得我哋一枱，包場。有提供set dinner，但最終都係散叫。試咗：1) 黑松露什菌Risotto：一般而已，味道及買相尚可，但完全食唔到亦聞唔到任何黑松露香味2) 唔知咩名嘅Pizza：因menu上冇列明有，但店外玻璃櫃則有display，雖然唔知咩名，但味道唔錯，餅底厚度適中，香脆熱辣辣，夾雜芝士，菇及薄片辣肉腸之類，幾好食。3) 窩夫：買相及味道皆不俗！雖然唔係香脆嘅，但配以雪糕，士多啤梨等，都幾好食！4) Irish Coffee：夠哂正中！配以2oz 嘅whiskey，熱上，放涼暖暖哋飲，味道濃郁，正！5) Hot chocolate：同一般熱朱古力好唔同，質地較為"結撻撻"，似食"mum mum"咁，但味道都唔錯，如改為dark chocolate會更好，唔怕肥可以一試！整體而言，店內裝飾好有特色，最鍾意佢個雪櫃同咖啡機。店員服務亦好好，食物飲品質素都唔錯，而且收費唔算貴，直到8點半後先開始多人，樓下一層才滿座，