別府駅前料理 (已結業)

位於銅鑼灣既別府，星期六8點既都唔係好多人，唔洗等位。我地一行兩人叫左一個鰻魚炒飯，一份芥末燒魚餅，同埋一件千島海鮮薄餅。芥末燒魚餅一份有3件，入口一d都唔油，每件魚餅上都有少少芥末同埋味粉，好好味，不過一人食得1.5 塊真係少左d。鰻魚炒飯份量比想象中少，味道較濃，配料比較少，絕對有改進既空間。三文魚千島海鮮薄餅整得好脆，配料好多，個汁幾開胃，整體配搭唔錯。最後埋單每人都係80 蚊到，食物ok 又唔洗等位又可以坐到好耐，都算唔錯。