鳳凰茶苑 (已結業)

尖沙咀係一個人煙稠密人來人往嘅地方，有時想搵個地方安安靜靜坐下都難。今日就搵咗呢個新地方，地點非常之方便，因為係旺區嘅樓上即係天橋果個位，所以平時行街都唔知道原來上面有個咁正嘅地方。一入到去陣陣冷氣就唔使講啦，寧靜又舒適，坐位寛鬆闊落。因為自己唔係一個好識品茶嘅人，唔使怕！呢度會有職員慢慢講解，詳細介紹茶嘅品種同類型，哈哈唔使上堂都可以學識茶類，今次喺呢度嘆茶真係獲益良多啊，而且職員有問必答。我就order咗個二人餐，有西式茶同中國茶，分開唔同嘅茶壺，原來茶杯都會唔同，真係好講究啊，一邊嘆茶一邊食曲奇果仁，認真嘆世界！