堅泰

營業中

休息中

小店位於旺中二樓，由泰國人主理，提供多款泰式主食、小食、甜點同飲品。價錢唔算好平，但勝在即叫即整，新鮮熱辣辣，而且食物款式眾多，一定有款啱你心水～ 見唔少人叫咗煎餅，相信係呢度嘅招牌菜，口味選擇有好多，要咗個經典嘅榛子香蕉煎餅。外層薄脆，上手果然好熱，上面塗滿醬汁，十分邪惡。另外有自家椰汁西米糕，QQ彈彈，椰香味突出，冰冰涼涼幾解暑。主食方面有烤豬頸肉金邊粉，亦可以轉撈麵，肉質帶點咬口，烤過後散發著香氣，麵條軟硬度適中，性價比高。私心推介泰式炒飯，可以要蝦、雞或豬頸肉。炒飯炒至粒粒分明但又唔會好乾身要飲水，而且幾有鑊氣，值得一試。