上水茶座

營業中

休息中

上水居民未必居水上，上水茶座果然係喺上水，今日工作原故嚟到上水，同事搵個地方食午餐，來到位於新豐路盡頭嘅一間茶餐廳～上水茶座。啱啱午飯時間裏面好逼超級多人，好不容易又好運地坐到個卡位，即刻睇吓有咩午餐，同事點了椒鹽雞翼飯，有5隻大雞中翼，炸過嘅雞翼加上青豆角及椒絲椒鹽爆炒，雞翼入味又香口。我點了五香肉丁叉燒炒飯，雖然是午餐，同樣係即叫即炒，熱辣辣，香噴噴，肉丁同叉燒粒都好食，炒得乾身米飯粒粒分明，茶餐廳嚟講算係唔錯選擇。