影片
更多
2021-05-23
701 瀏覽
旺角食肆不嬲都唔擔心無選擇，只係睇你會傾向想食咩菜式，小編剛才於旺角中心地區收工，決定與老公於雅蘭中心就近地方搵飯食。亞參既門口稍為隱蔽，需要先離開雅蘭中心，再行去旁邊山東街(即瓊華中心對面)，於渣打分行對面就會見到。亞參雞飯以海南雞飯為拿手菜式，不過我同老公都唔太喜好之下，還是搵搵較為適合我地既喇沙或咖哩類吧。見到佢地可以以$38換購兩款小食，再加$10換飲品，反正小食應該份量有限之下都同老公叫多少少試下。1) 喇沙米線 ($80)：好味! 配料大約有3隻蝦﹑幾件魚片及幾件豆卜，都合乎一般食喇沙既配料份量。喇沙傾向唔係辣而香味比較濃既款式，而米線亦無煮得過而保持麵條彈性，雖然唔係令人特別有深刻印象，但都算係有質素既菜式。2) 馬來咖哩豬扒撈麵 ($75)：還可以。要讚既係佢既麵條撈埋咖哩非常夾。咖哩汁唔係偏辣個種，但因為汁既量非常多可以令每條麵條都沾有足夠既咖哩汁食，同時你可以因應需要再將亞參既辣汁加入咖哩汁內，令辣度加強。小編老公今次加哂後就覺得稍為過辣，建議慢慢加而徹底與咖哩汁撈均。要批評既就係豬扒煮過龍，令肉質無哂而變成老成，一咬豬扒即刻碎開。(希望只係煮過龍而唔係落太多既鬆肉
亞參雞飯以海南雞飯為拿手菜式，不過我同老公都唔太喜好之下，還是搵搵較為適合我地既喇沙或咖哩類吧。見到佢地可以以$38換購兩款小食，再加$10換飲品，反正小食應該份量有限之下都同老公叫多少少試下。
1) 喇沙米線 ($80)：好味! 配料大約有3隻蝦﹑幾件魚片及幾件豆卜，都合乎一般食喇沙既配料份量。喇沙傾向唔係辣而香味比較濃既款式，而米線亦無煮得過而保持麵條彈性，雖然唔係令人特別有深刻印象，但都算係有質素既菜式。
2) 馬來咖哩豬扒撈麵 ($75)：還可以。要讚既係佢既麵條撈埋咖哩非常夾。咖哩汁唔係偏辣個種，但因為汁既量非常多可以令每條麵條都沾有足夠既咖哩汁食，同時你可以因應需要再將亞參既辣汁加入咖哩汁內，令辣度加強。小編老公今次加哂後就覺得稍為過辣，建議慢慢加而徹底與咖哩汁撈均。要批評既就係豬扒煮過龍，令肉質無哂而變成老成，一咬豬扒即刻碎開。(希望只係煮過龍而唔係落太多既鬆肉粉吧)
3) 小食1 - 香烤雞肉串 (2款加$38)：還可以。雞肉串以脆皮肉腸為主菜，而再加入亞參既辣汁作拌。建議沾少少辣汁食會令比較突出 (相對而言雞肉串味道還好而比較淡)。
4) 小食2 - 馬來斑蘭咖央多士 (2款加$38)：好味。因為即烘既關係上碟時牛油都開始因為麵包既熱力關係而開始熔，所以都建議即食。咖央醬味道算濃 (雖然唔算香)，但因為脆口既麵包而令整體味道提升。
5) 香茅薄荷特飲 (加$10)：當初上菜時仲以為明明已有飲管響入面但仍然俾膠飲管，原來係因為個枝係香茅用作攪拌及加味吧! (而特飲內為薄荷葉) 薄荷葉於飲品內味道唔算強，可以用香茅稍作分解；但反而真係飲到香茅味之下，令呢杯飲品印象深刻。
6) 馬來拉茶 (加$10)：馬來拉茶一般都係以奶多為主，所以呢杯都係，落返少少糖中和一下會好點。
埋單最後每個人都需要超過$100，但考慮到響旺角中心地區，租金等等不合理因素下，其實呢個價錢都算可以。
張貼
